Ég kannaði þetta með xenon ljósgjafa í halogen ljósum hjá Umferðarstofu.
Það verður tekið á þessu í skoðunum, send verða tilmæli til skoðunarstöðva og löggan kemur til með að gera út með "Boðun í Skoðun" hjá þeim sem þráast við að nota þetta.

Bling mennirnir með bláu ljósin verða bara að setja bláar díóður undi sílsinn eða splæsa í krómaðan trompett aftast á pústið til að fullnægja skreytiþörfinni....

http://www.youtube.com/watch?v=yVuSSdZN ... r_embedded" onclick="window.open(this.href);return false;

Þetta er nýlegt komment af f4x4:

"Ég setti Xenon perur í 4runnerinn minn, en gafst upp á þeim í sumar eftir tveggja vetra notkun. Þær virtust alls ekki henta fyrir luktirnar í bílnum. Dreifingin á lága geislanum var slæm og háu ljósin virtust aðallega beinast upp á við. Að minnsta kosti fannst mér ég alls ekki fá góða lýsingu nema vera með kveikt á kösturum líka. Þeir eru ekki í dýrari kantinum en lýsa þó ágætlega fram á veginn.
Ég fékk ekki athugasemdir við Xenon ljósin í skoðun, en menn, sem ég var að mæta blikkuðu iðulega á mig vegna þess að lágu ljósin hjá mér virtust blinda þá. Einnig kvörtuðu samferðamenn mínir, sem lentu fyrir framan mig í bílalest undan því að lágu ljósin hjá mér skinu í augun á þeim um baksýnisspegilinn.
Ég fór með bílinn í ljósastillingu en það breytti engu. Ég reif því Xenon búnaðinn úr í sumar og setti aftur hefðbundnar H4 perur í.
Má segja að þarna hafi 25 þúsund kall farið fyrir lítið".

Í fyrsta innleggi mínu er undirhlekkur þar sem fram kemur að seljendur ólöglegra xenon kitta í USA voru skkkaðir til að endurgreiða kaupendum að fullu fyrir þenna ólöglega búnað. Ég á ekki von á að menn sæki krónur til þeirra sem hafa verið að selja þetta undir borðið hérlendis.
Neytendavernd er enþá á steinaldarstigi hér.

Góða ferð.

Reyndar er krafan einungis sú að ljós bílsins séu með "projectorum" og "sjálfvirkum þvottabúnaði", einnig þarf búnaðurinn að vera e merktur.

Það eru margir bílar sem koma með projector ljósum og halogen perum, í þeim tilfellum er í raun ekkert að því að setja gott xenon kerfi í þau.
Því miður eru samt mörg kerfi sem er verið að selja algjört rusl og ekki nema von að þau lýsi illa/vitlaust.

aðal atriðið sem að er sett upp í skoðun er að bílar með HID / Xenon séu með sjálfvirkum hæðarstillibúnaði og þvottakerfi fyrir ljósin..

mér finnst fátt meira pirrandi en að mæta bílum með OEM ljósker og HID kit, ég er samt að íhuga að setja 6000K kit, jafnvel 4300K í W140 frá Philips, þetta er Aftermarket HID kit, ekki ætlað til að setja í OEM stæði fyrir eins og D1S / D2S og hvað þetta allt heitir..

BTW...

Lexus IS200 er með ljóskerjum eins og Halogen bíll en er samt með OEM Xenon frá framleiðanda (Toyota huh')

en eins og ég sagði áðan þá er fátt meira pirrandi en að mæta bíl með ljósker (ekki projector) og HID...

OG ALLRA VERST finnst mér að mæta breyttum jeppum með þessum búnaði !

Angelic0- skrifaði:...mér finnst fátt meira pirrandi en að mæta bílum með OEM ljósker og HID kit.... OG ALLRA VERST finnst mér að mæta breyttum jeppum með þessum búnaði !

Heyr, heyr, - þetta er þörf umræða. Það þarf að koma þessum "HID kit" ófögnuði af þjóðveginum. (mín vegna má leyfa þetta xenon "bling" á bíladögum á Akureyri, þegar bjart er allan sólarhringinn og engin hætta á ð blinda aðra ökumenn )

Lindemann skrifaði:Það eru margir bílar sem koma með projector ljósum og halogen perum, í þeim tilfellum er í raun ekkert að því að setja gott xenon kerfi í þau.

Það skiptir engu máli hvort "HID kitti" er troðið í projector ljós eða hefðbundið ljós þar sem geislanum er stýrt með spegli engöngu eða spegli og gleri.
Og það skiptir heldur engu máli hvort kittið er "vandað" eða "óvandað".
Þetta snýst um það að HID og halogen ljósgjafar hafa gjörólíka lögun og stærð. Speglar og gler sem hönnuð eru fyrir aðra gerðina er ómögulegt að mynda rétt formaðan geisla með hinum ljósgjafanum.
Þetta er einfaldlega spurning um eðlisfræði.

Angelic0 -ætlar þú að skipta um ljósin sjálf í W140 bílnum?

passaðu þig nú hvað þú segir!

hefur þú einhverntíman ljósastillti bíl?
hefur þú einhverntíman ljósastillt bíl með aftermarket xenon kerfi?


ég hef a.m.k. gert það frekar oft.......... og ég hef séð geislann lýsa í allar áttir, en oftast er geislinn bara alveg nákvæmlega eins að lögun og með orginal halogen perunni.
þannig er þetta bara og því verður ekki breytt, hvort sem þér líkar það betur eða ver!

Lindemann skrifaði:passaðu þig nú hvað þú segir!

-Ég er alltaf að reyna...

Lindemann skrifaði:hefur þú einhverntíman ljósastillti bíl?
hefur þú einhverntíman ljósastillt bíl með aftermarket xenon kerfi?

Ég hef nokkrum sinnum stillt halogen ljósin á jeppanum og notast þá við "cut-off" eins og það kemur fram á bílskursvegg nágrannans.
Ég hef hinsvegar mikið unnið með linsur í myndavélum, stækkurum og prójektorum. Þessar linsur hafa sama hlutverk og bílljós, þ.e. að móta ljósgeisla af ákveðnum eiginleikum útfrá e-h fyrirmynd. Í halogen-HID umskiptum er verið að skipta um fyrirmynd og því ekki raunhæft að hægt að ætlast til að eftirmyndin sé sú sama án þess að linsunni sé breytt í samræmi.
Þessi Daniel Stern er ljóstæknifræðingur og hefur skrifað mikið á Benznördasíðu sem birti góðar uppl. um G. Í linknum sem ég setti inn í upphafi þessa þráðar er fjallað um þessi halogen linsuljós og að þau skili þokkalegu "cut-off" með HID:

"Now, what about those "retrofit" jobs in which the beam cutoff still appears sharp? Don't be fooled; it's an error to judge a beam pattern solely by its cutoff. In many lamps, especially the projector types, the cutoff will remain the same regardless of what light source is behind it. Halogen bulb, HID capsule, cigarette lighter, firefly, hold it up to the sun—whatever. That's because of the way a projector lamp works. The cutoff is simply the projected image of a piece of metal running side-to-side behind the lens. Where the optics come in is in distributing the light under the cutoff. And, as with all other automotive lamps (and, in fact, all optical instruments), the optics are calculated based not just on where the light source is within the lamp (focal length) but also the specific photometric characteristics of the light source...which parts of it are brighter, which parts of it are darker, where the boundaries of the light source are, whether the boundaries are sharp or fuzzy, the shape of the light source, and so forth...."

Lindemann skrifaði:ég hef a.m.k. gert það frekar oft.......... og ég hef séð geislann lýsa í allar áttir, en oftast er geislinn bara alveg nákvæmlega eins að lögun og með orginal halogen perunni.

Ertu þá að meina að "cut-off" sé jafn skarp og með halogen, -eins og kallinn fjallar um hér að ofan, eða ert þú að mæla dreifingu ljóssins þar neðan við. Kallinn fullyrðir að sú dreifing sé ekki rétt. Út frá minni reynslu af linsum og ljósgjöfum þá finst mér það sjálfgefið.
Ég er enginn sérfræðingur um bílljós. Mér finst hinsvegar skrif þessa Daníels trúverðug og er langþreyttur á xenon-dónum á þjóðveginum. Mér sýnist að skrif kallsins séu í samræmi við regluverk í nágrannalöndum.

Að sjálfsögðu hefur maður oft reddað sér með því að stilla eftir geisla á bílskúrsvegg, en ég var samt að tala um að ljósastilla með ljósastillingatæki.

Ég skal ekki segja með nákvæma dreifingu ljóssins innan geislans, enda er ég ekki ljóstæknifræðingur eða eitthvað slíkt.

Þetta snýst eins og annað um að gæta hófs í því sem maður gerir og alhæfa ekki.
Það er ekki hægt að segja að öll xenon ljós í ljóskeri sem er smíðað fyrir halogen perur blindi aðra ökumenn.

Mér finnst alveg jafn leiðinlegt og þér að mæta bílum með svona ljós sem lýsa beint í augun á manni, það þýðir samt ekkert að það sé svoleiðis með alla bíla með svona útbúnaði.

Loki skrifaði:Angelic0 -ætlar þú að skipta um ljósin sjálf í W140 bílnum?

Ég er ekki viss um að það svari kostnaði, eru yfir höfuð til D1S eða D2S ljósker á W140 ???

Ef að það er til er ég vissulega til í að kaupa slík ljósker !

Hinsvegar held ég að ég kaupi bara lága geislann í 4300/6000k og svo kannski há-a geislann í 4300k...

vitiði hvort að það var hægt að fá þokuljós OEM í stuðarann ?? finnst þetta svo ljótt eins og þetta er á W124 og W140 hjá mér...

Pre-facelift 140 bílar eru með H4 perur þannig að hái og lági er í sömu perunni, Facelift kom með sér lága H7 og þeir fengust líka original Xenon, kostar um 1000$ settið á eBay.

Fróðlegar og málefnalegar ábendingar hjá þér Karl (Loki) varðandi þessi xenon ljós!