Þessi þráður er hugsaður til að leyfa mönnum að fylgjast með mínu nýasta verkefni sem er Mercedes Benz af árgerð 1980.
Fróðir menn halda því fram að þessi bíll sé fyrsti bíll sinnar tegundar hér á landi. Hann hefur verið í eigu sömu fjölskyldu svo að segja frá upphafi.
Hér eru myndir af byrjunarskerfum í uppgerðini og reyni ég að setja inn myndir eins og málin þróast.
Ef einhver lumar á sögu tengdri þessum bíl gömlum myndum af honum eða einhverjum fróðleik eða hlutum í þessa bíla þá er um að gera að láta ljós sitt skína.

[img]http://memimage.cardomain.com/member_im ... 0_full.jpg[/img]

[img]http://memimage.cardomain.com/member_im ... 9_full.jpg[/img]

Hvað finnst mönnum um litinn á þessum bíl á að halda honum svona gulum eða setja á hann annan lit?

Það er náttúrulega bara smekksatriði með litinn en það væri mjög gaman að fá að fylgjast með uppgerðinni hér á vefnum.

Gangi þér vel með þennan. Væri gaman að fá að fylgjast með. Sammála Einsa með litinn hann er smekks atriði.

Kv Halli H.

Gangi þér vel, þetta er verðugt verkefni að bjarga svona höfðingja

Persónulega myndi ég sprauta hann í öðrum lit en það er bara mín skoðun.

Frábært að þessum sögulega bíl skuli vera bjargað. Það verður gaman að fylgjast með þessu verkefni hjá þér Gunnar. Gangi þér sem allra best við þetta project.

Ef þig vantar varahluti í þennan fák þá er ég að rífa einn svona.

og ef þú vilt mitt álit þá myndi ég vilja sjá annan lit á kvikindinu.

Gaman af þessu, leifðu okkur endilega að fylgjast með yfirhalningunni

Taka nóg af myndum

Ztebbsterinn skrifaði:Gaman af þessu, leifðu okkur endilega að fylgjast með yfirhalningunni

Taka nóg af myndum

x2

væri flottur, dökk blár, eða dökk grænn.

Verður gaman að fylgjast með þessu

Ég er alveg sérlega ánægður með að þessi bíll skyldi hafa lent í þínum höndum. Var farinn að hafa töluverðar áhyggjur af honum þarna hjá Ræsi, en þar beið hans ekkart annað en að drabbast niður. Ég óska þér bara innilega til hamingju með kaupin, og hakka til að sjá þennan bíl hafðan aftur til vegs og virðinar hjá þér!

Bíllinn var í eigu föðurbróður míns alla tíð þar til Ræsir eignaðist hann, og man ég vel þegar Geir eignaðist hann hvað hann þótti glæsilegur: Benz jeppi, það þótti eitthvað alveg nýtt. Geir lét síðustu ár alltaf lappa aðeins upp á hann einu sinni á ári (svona útlitslega séð). Engar stórviðgerðir þar á ferð og bara blettað í og svona, enda bíllin notaður og ekkert hlíft. Leit alltaf ágætlega út, en var orðinn ansi ljótur þarna í lokin fyrir utan Ræsi. Varðandi litinn, þá verð ég nú að viðurkenna að þetta er ekki fallegasti litur sem maður hefur séð á þessum bílum, en hann var samt svona og líka með þessum röndum og það er alltaf gaman að hafa bíla upprunalega. Það yrðu samt engin helgispjöll að breyta um lit og ég skil vel þessar hugleiðingar

Það er eitt sem ég man eftir í sambandi við þennan bíl, en Geir var alltaf með koll í honum til að svona heldra fólk gæti sest inn í bílinn án sérstakra erfiðleika. Þegar ég keypti minn Gelander, þá kvartaði mamma einmitt sárlega yfir því að ég þyrfti koll eins og Geir hafði haft í sínum bíl, en bíllinn er helst til hár fyrir þessa kynslóð sem komin er á þann aldur að það á erfitt með að príla upp í svona bíla