Sælir félagar.

Er að skoða þann kost að setja beinskiptan 5 gíra kassa aftan á OM 603 túrbódísel vél. Hvaða möguleikar eru í boði? Getur verið að hægt sé að nota 5 gíra kassa úr bensínbíl kanski E 300 eða 300E? Eru afturendarnir á þessum vélum svipaðir eða eins? Hefur þetta verið gert? Á maður kanski að athuga með kassa úr 200-250D og eru þeir nógu sterkir fyrir þessa vél? Man ekki eftir að hafa séð 300D öðruvísi en sjálfskipta svo ég býst við að gírkassar úr þeim séu vanfundnir.

Ástæðan fyrir þessum vangaveltum er sú að skiptingin í mínum fagnar tvítugsafmæli um þessar mundir (þó hún gæti örugglega dugað tíu ár í viðbót), en hún á það til að höggva milli gíra og svo er þetta 4 gíra skipting sem vantar yfirgír. Að mínu mati er hún að stela 1-2 lítrum á hundraðið.

Kv. Bragi

Þú getur notað kassa úr hvaða Benz sem er, sem hefur startarann bílstjóramegin. Allir W201, W124, og W123 230E hafa þann kassa í mismunandi útgáfum.

þessir E300 Turbo bílar eru gefnir upp með rúma 6 lítra á 90kmh og rúma 9 innanbæjar, efast stórlega um að þú takir 2 lítra af þeim tölum við það eitt að setja gírkassa í hann.

en EF að þú ætlar að fórna bílnum í þetta þá vantar þig margt, best væri að finna beinskiptan 300D, sem eru mjög vandfundnir, og færa eftirfarandi á milli:

Gírkassa sé hann í lagi, þe ekki synkróm og legur búið...

Svinghjól og kúpplingu úr fólksbíl (ath að það eru amk 3 gerðir af svinghjólum til) Ný kúppl er amk 50þús ca.

Dælur og pedalabrakket Dælur nýjar, kosta 25 þ ca.

Drifskaft (passar aðeins úr beinskiptum 6 cyl og að breyta drifskafti kostar tugi þúsunda).

Hugsanlega er annað drifhlutfall í beinskiptum.

Gírskiptir og teinar (teinar passa held ég aðeins úr 6cyl en hægt að stytta og lengja ef þarf).

Raflagnir f bakkljós.


Niðurstaðan yrði allt öðruvísi bíll en teppið sem hann er í dag og efniskostnaður fyrir utan vinnu amk 100þús sértu verulega heppinn.

Mitt ráð: Lagaðu skiptinguna, þeir í Þýskalandi vissu alveg hvað þeir voru að gera með snúning vélarinnar og allt þetta setup, þar var þessi bíll hannaður fyrir tvöfaldan hámarkshraða hérlendis.

Takk fyrir greinagott svar, tek það aftur fram að þetta eru fyrst og fremst vangaveltur.
Allavega gott að vita að kassar úr bensínbíl (passi) á milli.

Ef eyðslutölur fyrir Benz fólksbíla eru skoðaðar, þá eyða þeir oft minna ef þeir eru sjálfskiptir. Jafnvel betri innanbæjar en utan.

Hér má skoða hinar ýmsu gerðir.

http://mercefreaken.com

Hér er dæmi um 300 D bíl. 300 D Turbo er bara gefinn upp sem sjáfskiptur.

Mercefreaken.com skrifaði:Forbruk per 10 km
-ved 90 km/t 5-tr. manuelt: 0,54 liter
4-tr. automat: 0,62 liter
-ved 120 km/t 5-tr. manuelt: 0,70 liter
4-tr. automat: 0,79 liter
-ved bykjøring 5-tr. manuelt: 0,98 liter
4-tr. automat: 0,93 liter
Transmisjon 5-trinns manuelt gir, 4-trinns automatgir

Sem sagt, hann á að eyða hálfum lítra minna á 100 km. innanbæjar ef hann er sjálfskiptur

BaraBenz skrifaði:Ef eyðslutölur fyrir Benz fólksbíla eru skoðaðar, þá eyða þeir oft minna ef þeir eru sjálfskiptir. Jafnvel betri innanbæjar en utan.

Hér má skoða hinar ýmsu gerðir.

http://mercefreaken.com

Hér er dæmi um 300 D bíl. 300 D Turbo er bara gefinn upp sem sjáfskiptur.

Mercefreaken.com skrifaði:Forbruk per 10 km
-ved 90 km/t 5-tr. manuelt: 0,54 liter
4-tr. automat: 0,62 liter
-ved 120 km/t 5-tr. manuelt: 0,70 liter
4-tr. automat: 0,79 liter
-ved bykjøring 5-tr. manuelt: 0,98 liter
4-tr. automat: 0,93 liter
Transmisjon 5-trinns manuelt gir, 4-trinns automatgir

Sem sagt, hann á að eyða hálfum lítra minna á 100 km. innanbæjar ef hann er sjálfskiptur

Hef einmitt verið að skoða þessa síðu, en þarna sést líka að beinskiptur 300D eyðir 0,8 lítrum minna á 90km/h en sjálfskiptur. Þar munar um það að hafa 5. gírinn sem er yfirgír í staðinn fyrir beint út (1:1) í sjálfskiptingunni, því þrátt fyrir að drifhlutfallið í afturdrifinu sé mjög hátt (1:2,65) þá er vélin á um 2000 snúningum á 90km/h sem mér þykir heldur mikið fyrir þetta stóran mótor.
Það er heldur ekkert lock-up í skiptingunni svo snúningshraðinn getur farið hærra án þess að hraðinn breytist t.d. upp bratta brekku, 2100-2200 snúningar á 90km/h.

En það er kanski allt í lagi að sætta sig við núverandi eyðslu sem er 7-8 lítrar á langkeyrslu með það í huga að þetta er traust skipting og svona er bíllinn orginal. Það væri samt gaman að ná eyðslunni niður í 6 lítra eins og hann er gefinn upp því þá gætu þessar nýtísku common rail vélar bara skammast sín.

Kv. Bragi

Það er ekkert víst að orginal 5 gíra sé að snúast 20% minna þótt overdrive gírkassinn fari í 0,8 í stað 1:1 út. Beinskiptur er örugglega með annað drifhlutfall en automatic.

Munurinn er sjálfsagt frekar í innra viðnámi skiptingar, í henni eru dælur og drasl sem er ekki í gírkassa og þar er orkutapið talsvert.

Vélar þurfa ákveðin snúningshraða til að halda hagkvæmni og endingu, þetta hefur að gera með td lofthraða, boost, smurþrýsting, kælingu ofl sem dauðlegir skilja varla og eh sem hönnuðir taka tillit til við smíði bílsins, það eru jú ekki nema eh hundruðir af færustu verkfræðingum og hönnuðum heims sem komust að þessari niðurstöðu og ákváðu að bíllinn ætti að vera svona.