Skiptingin í benzanum mínum er búin að vera með smá leiðindi af og til uppá síðkastið.

Stundum þegar maður stoppar á gatnamótum eða ljósum þá virðist skiptingin ekki finna strax gír, eins og hún kúpli frá og hrekkur síðan niður í 2.gír eftir örfáar sekúndur (gírinn sem bíllinn tekur af stað í ef maður stendur hann ekki flatann). Ef maður gefur inn áður en hann hrekkur í gír þá tekur bíllinn augljóslega ekkert við sér, eins og hann sé í hlutlausum.

Virðist algjörlega tilviljunarkennt hvort þetta gerist, stundum þegar hann er kaldur og stundum þegar búið er að keyra lengi. Annars skiptir hann oftast eðlilega en þetta er farið að gerast full oft.

E-r hugmyndir hvað gæti valdið þessu??

Það vantar nú líklegast vökva á skiptinguna. Lenti einmitt í því að hjá mér snuðaði bíll í krappri beygju undir inngjöf. Þá var of lítið af sjálfskiptivökva.

Prófaðu að mæla það bara (rauður tappi upp við hvalbakinn) held að hann eigi að vera í gangi, svo er bara að passa sig að setja rétta tegund af olíu á skiptinguna.