Hef áður sent inn þráð um þennan bíl en linkarnir í þeim þræði virka ekki lengur.

Kominn tími á nýjan þráð með nýjum myndum. Það er líka komið að ákveðnum tímamótum hjá VV019. Hann var fyrst skráður 17.12.1992 í Þýzkalandi og er því að verða 20 ára.

Eignaðist hann í janúar 2009 með dyggri hjálp Sveins hérna á spjallinu. Verandi úti á landi þá er ómetanlegt að hafa mann á staðnum til að klára dæmið hratt og örugglega.

Fluttur inn árið 1998 og ég er fjórði eigandinn (einn í Þýzkalandi). Hef verið heppinn með fyrri eigendur því þetta er þéttur og góður bíll. Kílómetrastaðan stendur núna í 289.xxx.

Við kaup voru báðir afturgormar og demparar lúnir.
Eftir „upphalningu“.
Var í bænum í ágúst s.l. og skellti mér á hitting. Eins og myndin ber með sér fékk sá græni hjá Rúnari mestu athyglina.
Síðasti hittingur hjá mér var árið 2004 en þá kom ég á W108 (seldur).
Keypti mér gúmmímottur frá N1 árið 2011 (http://www.mbclub.is/spjall/viewtopic.p ... 27#p155027).
Til að halda bleytunni frá gólfinu finnst ekkert betra. Á sumrin nota ég taumottu bílstjóramegin.
Í góðum félagsskap í ausandi rigningu.
Á sama plani en í ögn skárra veðri.
Á ýmsum stöðum í og við Skutulsfjörðinn...

... Álftafjörður framundan eftir keyrslu frá Reykjavík
... Arnardalur
... Engidalur

Platti í stuðara keyptur 2012. Margar góðar myndir frá fyrri árum hálf skemmdar því vöntunin er lýti. Svipað og fyrirsæta sem vantar eina tönn.

Þann 19. janúar n.k. verða kominn 4 ár síðan ég eignaðist bílinn. En í kílómetrum talið hef ég ekki getað haldið í við notkun fyrri eigenda. Styttra að ferðast innanbæjar í kaupstöðum heldur en Reykjavík. Í dag er ég sem sagt með 11,9% af eknum km (af 289.xxx) en hef átt bílinn tæplega 20% af tímanum síðan hann rann út af færibandinu í Stuttgart. Eigandinn á undan mér hefur notið tæplega helmings af eknum kílómetrum bílsins.
(„Ísland 01 74-77“ er fyrsti eigandinn á Íslandi og aldur hans á meðan hann átti bílinn, o.s.frv)
Mikið búið að endurnýja í bílnum síðan hann var keyptur. Það var kominn tími á viðhald á mörgu en í grunninn var hann mjög þéttur í akstri. Uppsafnað viðhald síðustu fjögur árin er komið yfir milljónina. Það er mikið fyrir svona bíl segja sumir. En hvað færðu fyrir þann pening í dag. Vissulega yngri bíl og kannski auðseljanlegri en það er ekki það sem ég er að leita eftir því ég ætla að halda mínum. Stærsti mínusinn er hinsvegar staða mín í (stór)tjónum, þar sem tryggingafélögin taka ekki í mál að greiða kostnað viðgerðar, heldur bjóða málamyndunarverð byggt á bgs.is eða einhverju viðlíka. Ekkert er hlustað á hvað búið er að setja í bílinn, heldur bara árgerð og eknir km. Útkoman er að kostnaður við viðgerð fellur að stórum parti á eiganda. Hér er ég að tala um tilvik þar sem ég væri í 100% rétti. Tryggingafélögin hljóta að gleðjast yfir sem flestum eldri bílum á götum bæjarins, því þannig þurfa þau ekki endilega að greiða tjónin sem eigendur þeirra bíla lenda í.


En hvað um það, þetta er einfaldlega besti bíll sem ég hef átt. Ef ég slepp við meiriháttar umferðaróhöpp í framtíðinni þá er ekki að sjá ég fái mér nýjan bíl.

Flott úttekt hjá þér Arinbjörn!

Og það sem meira er og ég veit, er að þessi bíll er ekkert í smá góðu standi hjá þér. Enda ekkert til sparað varðandi viðhaldið

Skrítið!!!! Maður sér ekki menn vera að stæra sig mikið af 20 ára gömlum Toyotum. Hversvegna skildi það vera.

Þröstur skrifaði:Skrítið!!!! Maður sér ekki menn vera að stæra sig mikið af 20 ára gömlum Toyotum. Hversvegna skildi það vera.

Það kom nú fyrir samt hérna, þá var bara ekki hægt að svara í þessum þráðum svo ég eyddi öllu saman í einhverju fýlukastinu. (reyndar 18 ára Corolla )
http://www.mbclub.is/spjall/viewtopic.p ... it=corolla" onclick="window.open(this.href);return false;


Flottur þessi W124, góður svona fyrir vestan. (jepplingur )