Datt í hug að bera Stjörnuna saman við aðra spjallvefi. Á forsíðu þeirra fimm bílaspjallvefja sem ég skoðaði eru birtar tölur um heildarinnlegg og skráða notendur. Þessar upplýsingar er hægt að nota sér til að bera saman umfang og virkni spjallvefjanna.

En þó hér sé verið að bera saman spjallvefi, þá voru þeir ekki stofnaðir samtímis og hafa því sumir fengið meiri tíma en aðrir til að bera út fagnaðarerindið.

Stofndagsetningar spjallvefja:
ágúst 2001 - Kvartmíla
ágúst 2002 - bmwkraftur
janúar 2003 - Live2Cruise
ágúst 2003 - Stjarna
ágúst 2004 - Blýfótur

Hvað er þetta með ágústmánuð og stofnun spjallvefja?

Þegar tekið er saman fjöldi skráðra notenda er Kvartmíluspkjallið með þá langflesta. Tími skiptir auðvitað máli hér því t.d. var Kvartmílan stofnuð þremur árum fyrr en Blýfóturinn. Sé samt ekki að henni yrði skákað í fjölda notenda þótt aðrir fengju þau ár sem upp á vantar.
[img]http://easy.go.is/crises83/spjallvirk01okt.JPG[/img]


Þegar hinsvegar er borið saman heildarfjöldi innleggja kemur í ljós að Live2Cruise er með flest innlegg. Bmwkraftur ekki langt þar undan. Kvartmílan kemur á óvart og er með færri innlegg en Stjarnan, þó að skráðir notendur Kvartmílunnar séu um 5 sinnum fleiri.
[img]http://easy.go.is/crises83/spjallvirk02okt.JPG[/img]


Að lokum deildi ég fjölda notenda í fjölda innleggja til að fá meðaltal innleggja á hvern skráðann notanda. Þá sést að bmwkraftur er með virkustu notendurnar en Kvartmílan með þá óvirkustu.
[img]http://easy.go.is/crises83/spjallvirk03okt.JPG[/img]

Tölurnar á bak við gröfin (staða frá 20-10-04):
[img]http://easy.go.is/crises83/spjallvirk04okt.JPG[/img]


Helstu niðurstöður:

1. Kvartmílan með langflesta notendur
2. Live2Cruise með flest innlegg
3. bmwkraftur með mestu póstvirkni per notanda
4. Kvartmílan með minnstu póstvirkni per notanda

Í stuttu máli má því segja að bmwkraftur og Live2Cruise séu aktífustu bílaspjalls vefirnir í dag. Kvartmílan kemur hinsvegar út sem risi á brauðfótum miðað við póstvirkni. Stjarnan og Blýfótur eru með ágætis póstvirkni hjá sér en miklu færri notendur á bak við sig en aðrir.

Annað sem ég tók eftir að hafa verið að logga mig inn á hina vefina er að þar eru miklu fleiri notendur online heldur en hérna á Stjörnunni. Þetta er í samræmi við það að það hefur verið frekar rólegt hér á Stjörnunni undanfarið.

....

Við höfum kannski eitthvað annað að gera á daginn heldur en að hanga bara á netinu og skrifa eitthvað inná stjörnuna... annað en hinir gaurarnir þarna...

Mér sýnist svona í fljótu að það sé ekki vistað nema um ár aftur í tímann.

Þetta er rétt hjá þér Björgvin.

Í framhaldi af því þá eru niðurstöður um litla póstvirkni hjá þeim Kvartmílumönnum ekki réttar. Get ekki borið saman tölur hjá Kvartmílunni við aðra sem eru ekki enn farnir að henda gögnum.

Súlurnar í rauða og bláa grafinu sem sýna stöðu Kvartmílunnar eru því ómarktækar ("Heildarfjöldi innleggja" og "Innlegg per notanda").

Var að taka eftir því í kvöld að þeir Fornbílamenn eru líka
komnir með spjallvef (síðan mars 2004). Einnig er 4x4 með
spjall (þó ekki með sama vefumsjónarkerfi og aðrir).

Eru fleiri bílaspjallvefir í gangi?

Einn sem fylgist ekki nógu vel með.

w108ag skrifaði:Var að taka eftir því í kvöld að þeir Fornbílamenn eru líka
komnir með spjallvef (síðan mars 2004). Einnig er 4x4 með
spjall (þó ekki með sama vefumsjónarkerfi og aðrir).

Eru fleiri bílaspjallvefir í gangi?

Einn sem fylgist ekki nógu vel með.

Já eins og einn fornbílamaðurinn myndi orða það: "VISSULEGA!"

Gaman að sjá þessa úttekt, þetta er nokkuð í takt við þá tilfinningu sem ég hafði fyrir þessum vefsvæðum.

Persónulega hefði ég gaman af að sjá hve lengi vefsvæðin voru að ná sér á strik, ég man eftir erfiðri fæðingu hjá Kraftinum og Stjörnunni en notendur eru almennt farnir að tileinka sér spjallsvæði fljótt og örugglega og við fundum það á Blýfæti þar sem við vorum komnir með 100 notendur rétt um mánuð eftir "launch".

Verst hvað ég hef lítinn tími til að heimsækja ykkur á Stjörnunni núna, námið tekur mestann tíma

Samanburður á fjölgun skráðra notenda hjá áðurnefndum spjallvefjum:

[img]http://www.simnet.is/agunn/Des04/spjallnotdes.JPG[/img]

Í prósentum talið lítur þetta svona út:

Kvartmíla 3,5% fjölgun - 64 notendur
Live2Cruise 9,2% - 99
bmwkraftur 6,9% - 53
Stjarna 4,4% - 13
Blýfótur 55,5% - 60

Lítið að fjölga hér hjá okkur undanfarið - kannski ákveðin mettun við 300 markið? Eða þarf að fara auglýsa?

Blússandi gangur hjá Blýfæti - 55,5% er ekkert smáræði á rúmlega mánuði.

Live2Cruise kemur best út af stóru spjallvefjunum.

Er ekki rétt að fara að auglýsa Stjörnuna ????

Við þurfum að fara að skríða yfir 300