MBKÍ

Rosberg ráðinn til Mercedes liðsins

Mercedes bílaframleiðandinn sem tilkynnti að hann ætlar að keppa undir eigin merkjum á næsta ári hefur ráðið Nico Rosberg sem annan ökumann liðsins.

Liðið er enn í viðræðum við Jenson Button og Nick Heidfeld. Ekki er ólíklegt að Kimi Raikkönen beri víurnar í nýtt lið með auknu fjármagni, en umboðsmenn hans heimsóttu þó McLaren í síðustu viku. Sama gerði Jenson Button.

En tilkoma Mercedes inn í Brawn liðið er hvalreki á fjörur Formúlu 1, því fyrirtækið hefur til þessa unnið með McLaren. Mercedes útvegar McLaren vélar til ársins 2015, en ætlar að selja sinn hlut á næstu tveimur árum í McLaren. Eignarhluturinn er 40%.

Ron Dennis hjá McLaren segist fagna breytingunum og samningum um vélar við Mercedes. McLaren geti nú einbeitt sér að því að vera sjálfstæður rekstraraðili.

Nobert Haug sagði að formlega yrði tilkynnt um ökumenn liðsins á næstu vikum, en ljóst að Rosberg er ráðinn. Mercedes vildi þýskan ökumann um borð í bíl sinn.