atligu skrifaði:Hér hafa allir nokkuð til síns máls. Eigandi bílsins umrædda er nú starfandi fréttamaður á Vísi og Bylgjunni og því þykir honum fróðlegt að lesa rök og umræður með og á móti mynd-/fréttabirtingum af (umferðar)slysum.
Hjá 365 notum við þá einföldu reglu að við sýnum helst ekki blóð og/eða líffæri á slysavettvangi, að minnsta kosti ekki á innlendum vettvangi. Eins eru persónugreinanleg atriði bönnuð. Þegar ráðist var á Mumbai í lok nóvember kom undirritaður sjálfur að ákvörðun að því hvort rétt væri að birta mynd af blóði drifnu gólfi lestarstöðvarinnar, sem hryðjuverkamennirnir réðust á, á forsíðu Fréttablaðsins (var þá prófarkalesari þar í 50% starfi samhliða starfi á Bylgjunni og Vísi). Með naumindum var fallið frá því að gera það með þeim rökum að það kæmi illa við viðkvæma lesendur. Í staðinn var birt mynd af Taj Mahal-hótelinu í ljósum logum. Dæmi hver sem vill um það.
Persónulega finnst mér þetta atvik sem við konan mín lentum í alveg innan við mörk eðlilegrar fréttamennsku. Það er réttlætanlegt að birta myndir af vettvangi slysa sé ofangreint haft í huga. Þarf hef ég einnig í huga siðareglur Blaðamannafélags Íslands þar sem einfaldlega er mælt fyrir um að forðast beri að valda hlutaðeigandi óþarfa sársauka eða vanvirðu (ef óþörf vanvirða er til.....er þá til þörf vanvirða???). Ég er sem sagt alveg sáttur og tel ekki hafa verið gengið á rétt neins. Konan slapp ómeidd og var meira að segja í rétti (þrátt fyrir að vera kona).
Auglýsingin í útvarpsfréttum Bylgjunnar gerði þarna útslagið. Lögreglan sagðist auglýsa ef þörf teldist á því og þá eftir nokkra daga. Einmitt, hver(t) ykkar man í hvaða fötum þið voruð í í gær?!? Ég hringdi því í félaga mína á fréttastofunni og bað um að þetta yrði sent út og vitnin létu ekki á sér standa. Munið þetta ef þið lendið í tjóni og einhver vafi er um málsatvik, auglýsa strax eftir vitnum. Það er ókeypis og þarf ekki nema eitt símtal. Löggan auglýsir ekki strax og að lokum man enginn neitt.
Talandi um að lokum....þessu máli lauk með því að við fengum 600.000 kr. út úr tryggingunum fyrir bíl sem við staðgreiddum með 1.000.000 í apríl (ásett 1.290.000 kr.). Tryggingarnar sögðu upphaflega 550.000 en ég vældi hann upp í 600 af því að við tókum ekki bílaleigubíl. Í dag keyptum við Volvo 850 GLE 2.0 árgerð 1993 fyrir 99.000 krónur, fyrsta bíl sem ég kaupi og er ekki af þýskum uppruna. "Sænska stálið" sagði Stinnitz og lagði blessun sína yfir kaupin. Kvikindið er svo sem traustvekjandi, með hita í sætum og lakkið eins og nýtt. Bestu kveðjur og hey...hvenær verður næsta bjórkvöld??? Ég vil mæta í drykkju með ykkur skepnunum.
Gleðileg stjörnujól,
Atli
Finn pistill, ég man eftir einu dæmi sem kom illa við mig og mína fjölskyldu þegar bróðir minn lenti ofan í undirgöngum við N1 (Esso) í Lækjargötu í Hafnarfirði, var á trailer.
Þetta gerðist um 5-leytið seinnipart dags og það komu myndir af þessu í fréttum stöðvar 2 kl: 18:30. Þá vissi enginn ennþá í fjölskyldunni af þessu og vagninn sem var aftan í bílnum var auðþekkjanlegur þar sem einhverjir krakkar höfðu spreyjað hliðarnar á honum.
Ég man að ég var svakalega sár út í stöð 2 fyrir að birta þetta með þessum hætti líka af því að í fréttinni var sagt "ökumaður vörubifreiðarinnar talinn mikið slasaður" en þeir vissu það samt ekkert.
Þetta slapp nú reyndar ótrulega vel hjá honum en hann ökklabrotnaði, rifbeinsbrotnaði og marðist allur illa. En þetta finnst mér dæmi um fréttamennsku sem var í grófari kantinum.
Góðar stundir og Gleðileg jól
Eftir það heita allir gamlir "stór-Volvóar" Sven Göran í mínum huga 
