Ég var að skoða ástandið á kertunum í súkkunni minni áðan og þau voru öll vaðandi í olíu. Þýðir það að heddpakkningin sé farin að gefa sig? Læt nokkrar myndir fylgja með.

Nei, það eru farnir þéttihringirnir á ventlalokinu kringum kertagötin. Svo eru þessi kerti handónýt

Ég var einmitt að endurnýja kertin áðan. En hvernig er það með þessa þéttihringi... er það eitthvað sem maður reddar sjálfur? Þakka þér annars fyrir svarið.

Já já, frekar lítið mál, þarft að kaupa hringina og ventlalokspakkningu, rífur bara ventlalokið af og þá sérðu þetta

Eru þetta þessi svokölluðu "O-rings"??

Spyr einn sem ekkert veit

þessir eru þykkari en venjulegir O hringir, þetta er ekki eins og verið var að tala um í þínum bíl, Benni, það er eitthvað dýpra í mótornum hjá þér

Eru þetta varahlutir sem maður verður að nálgast í umboðinu eða eru líkur á að maður fái þetta hvar sem er?

Ég bý ekki svo vel að eiga herslumæli til að festa ventlalokið aftur. Hvar getur maður útvegað sér svoleiðis án þess að greiða fúlgu fjár fyrir?

hjalti.g skrifaði:þessir eru þykkari en venjulegir O hringir, þetta er ekki eins og verið var að tala um í þínum bíl, Benni, það er eitthvað dýpra í mótornum hjá þér

Ok, sumir segja O rings hjá mér en aðrir heddpakkningin... svo að eðlilega verður maður "confused"...

siggi_runar skrifaði:Eru þetta varahlutir sem maður verður að nálgast í umboðinu eða eru líkur á að maður fái þetta hvar sem er?

Ég bý ekki svo vel að eiga herslumæli til að festa ventlalokið aftur. Hvar getur maður útvegað sér svoleiðis án þess að greiða fúlgu fjár fyrir?

það er sennilega best að kaupa þetta í umboðinu. Ég herði ventlalok yfirleitt ekki með átaksmæli en það er auðvitað best að gera það svoleiðis, spurning hvað þú hefur mikla tilfinningu fyrir passlegri herslu

Maður hefur kannski ekki mikla tilfinningu fyrir herslunni en það er alltaf gaman að bæta við verkfærum í kassann. Ég las mér til um að herslan á boltunum sem halda ventalokinu á að vera 11Nm. Fann þennan mæli á heimasíðu Sindra. http://www.sindri.is/%C3%A1taksm%C3%A6l ... btanaf0803. Ætli þetta sé sæmileg vara hjá þeim?