MBKÍ

Ég keypti minn fyrsta Benz fyrir stuttu. Það er 1981 Benz 200 sem var keyrður tæpa 38 þúsund kilómetra. 4 gíra beinskiptur og án allra aukahluta, en þó með topplúgu.

Hann er í ágætu standi, eitthvað var þó hægt að lagfæra, ég skipti um kerti og kveikjulok sem leit út fyrir að vera upphaflegt. Skipti einnig um olíu, síu og bremsuvökva ásamt því að liðka upp tvær dælur en allt leit út fyrir að vera óhreyft frá upphafi.

Ég fyllti bílinn þegar ég keypti hann og er búinn að fara með hálfan tank, það lítur út fyrir að hann sé undir 10 á hundraði það sem af er, virkar mjög léttur og skemmtilegur í keyrslu. Virkar sem skemmtilegasti bíll, ætla þó að sjá til þess að hann skáni bara í minni eigu þar til næsti tekur við honum.

Til hamingju með fyrsta Benzann - og það líka þetta flottan klassískan bíl

Gott að sjá að þessi lenti í góðum höndum

Til lukku með þennan, þetta er án efa einn besti w123 á landinu

Til hamingju með þinn fyrsta Benz, það er óhætt að segja að þú byrjir Benz ferilinn með glæileik!

Gríðarlega fallegt eintak, til hamingju með bílinn. Er þetta ekki annars Benzinn sem Indriði í Höfðahöllinni var með til sölu hjá sér ?

JBV skrifaði:Gríðarlega fallegt eintak, til hamingju með bílinn. Er þetta ekki annars Benzinn sem Indriði í Höfðahöllinni var með til sölu hjá sér ?

Jú, keypti bílinn hjá honum.

Nú var tankurinn að klárast. 506 km á 47,5 lítrum. Það er þá 9,4 l/100km í blönduðum akstri, vantar þó að staðfesta hraðamæli og km teljara með GPS. Held þó að hann sé nokkuð réttur.

Glæsilegt eintak!

Það var farið að fara í taugarnar á mér að sjá hvað hann hékk fram á nebbann. Fyrri eigandi lét setja nýja gorma í bílinn að aftan og hann var nokkuð hár þar, en nokkuð siginn að framan.

Þetta var smá hausverkur, ekki fengust ákveðin svör frá hvorki Öskju né AP hvaða gormar væru í bílnum, sem svo þyrfti að panta og ekki að vita í hvaða hæð hann myndi lenda.

Ég sá fram á að þurfa að kippa þessu úr og setja í oftar en einu sinni, svo ég splæsti í almennilega gormaklemmu. Það verður að segjast að þetta er í fyrsta sinn þar sem ég spenni saman framgorma í botn án þess að vera með lífið í lúkunum, bókstaflega. Ótrúlega þægilegt verkfæri.
Uppgefið fyrir W107 W116 W123 W124 W126 W129 W140 W170 W201 W202 W208 og W210 samkvæmt seljanda. Ég keypti ný gormagúmí hjá AP á litlar 1.000 krónur parið sem voru 5mm hærri en það sem var í. Ég hafði annars mælt út að ég myndi eiginlega vilja sjá 8mm hækkun á gormi en ætlaði að sjá hvernig þetta kæmi út í fyrstu umferð. Það kom svo á daginn þegar ég kippti gormunum úr, að gúmíin sem voru í voru örlítið samanþjöppuð. 2-3mm eða svo, gormarnir síga sem sé ekki bara, gúmíin gefa aðeins eftir líka.

Útkoman var eignilega 'spot on'. Það er rétt aðeins nokkrir millimetrar hærra undir tjakkfestingu að aftan en að framan og ég harðánægður með útkomuna. Alltaf gaman þegar manni sjálfum finnst að eigin verk heppnist vel

Flott að sjá hann svona jafn háan, ég myndi samt lækka hann aðeins