Fór í kvöld á Akranes og sótti þennan, Mercedes Benz C220 Diesel W202 boddý.
Þessi hefur svo sannarlega átt betri daga en kram virðist vera nokkuð sæmilegt fyrir utan stýrisenda, spindilkúlu, alternator bilaður og eitthvað fleira smávegis.
Hann er ekinn 550 þúsund kílómetra en mjög gott hljóð er í mótor
Ætla að vinna nokkuð hratt í því að koma honum á götuna og dunda mér síðan í boddýinu

Nokkrar myndir

Eftir að hafa átt W124, ekinn til tunglsins og langleiðina til baka, þá er ég alltaf dálítið "svagur" fyrir mikið eknum Benzum

Verður áhugavert að sjá þennan grip hjá þér

Jæja, búinn að dunda aðeins í þessum, mikið sem þurfti að aðhafast, þurfti að skipta um allt í bremsum, diska, klossa, hanbremsuborða, barka og bakplötuna öðru megin að aftan.
þá þurfti nýja stýrisstöng þar sem innri stýrisendar voru farnir. Svo var miðstöð óvirk, bremsuljós biluð og föst húddlæsing.
Mig vantar í hann ef einhver á þurrkuunitið, ABS skynjara að aftan og vatnskassa.
Örfáar myndir svona í tilefni dagsins

Diskarnir sem voru í honum að aftan voru of litlir þannig að slitið á klossunum varð ansi pönkað
Nýtt
Svo rak ég augun í númerarammann að framan og fékk alveg sjokk, þetta náttúrulega gengur ekki
Þannig að því var reddað
Ef mönnum vantar svona númeraramma þá á klúbburinn þetta til, verð 1500 krónur stykkið, bara hafa samband við mig

Ætla að reyna að koma þessum bíl á númer í vikunni.

Þessi er kominn á númer, búinn að keyra hann í rúma viku, alveg þokkalegasti bíll, en ansi var mikið að honum

Það sem ég er búinn að gera við er alternator, þurrkuunit, miðstöðvarmótor, stýrisgangur, drifskaftsupphengja, skipta um alla diska, bremsuklossa, handbremsuborða, handbremsubarka, drulluhlíf v/m aftan, ABS skynjari v/m aftan, allar síur og olíur, rífa alla innréttinguna úr honum og þrífa hana upp, einhver slatti af perum og ábyggilega eitthvað meira

Það sem er ennþá bilað er að hann míglekur vatni, þarf að laga útlitið á honum og kíkja eitthvað á gorma í honum

Sko til, ætli honum verði ekki bjargað bara úr þessu, kominn með réttan skoðunarmiða
Og komin stjarna á húddið
Svo er ég loksins búinn að fá vatnskassa og setja hann í, allt annað líf

Góður

Vel gert!

Snilld !

Aðeins búinn að klappa boddýinu