MBKÍ

Eftir að hafa fylgst með hérna á spjallinu í lengri tíma eignaðist ég minn fyrsta Benz þann 26. apríl síðastliðinn, og þar með minn fyrsta bíl. Um er að ræða 1993 árgerð af Mercedes-Benz 300CE 24v Sportline, eins og fram kemur í titlinum, sem auglýstur var til sölu hérna á spjallinu fyrir nokkru. Ég hef verið Benz aðdáandi frá því að ég man eftir mér en nú get ég loksins kallað mig Benz eiganda. Bíllinn er ekinn rétt rúma 275þús. kílómetra og er hreint yndislegur í akstri. Þó þarf aðeins að dytta að og er lakkið t.d. orðið frekar slappt á húddinu og frambrettinu farþegamegin, glæran farin að flagna af. Einnig er nokkur grjótbarningur og smá ryð byrjað, t.d. í hjólbogum, sem þarf að stoppa. En nógu langt er í bílprófið þannig að núna er bara að dekra við gripinn þangað til að því kemur.
Læt hér fylgja með nokkrar myndir til að byrja með.

[img]http://dl.dropbox.com/u/14711917/PICT2465.JPG[/img]
Ekki leiðinlegt að eignast sinn fyrsta bíl, hvað þá þegar um Benz er að ræða.

[img]http://dl.dropbox.com/u/14711917/PICT2466.JPG[/img]
Og þarna er heldur betur gott að vera.

[img]http://dl.dropbox.com/u/14711917/PICT2477.JPG[/img]
Pabbi var síðan svo góður að taka hann og þrífa lauslega og hreinsa felgurnar og það breytti miklu, allur mikið virðulegri á hreinum felgum. Annars keypti ég með honum aðrar, fallegar 17" sem þið hafið eflaust séð á eldri myndum frá fyrri eiganda, og þær fara undir fljótlega.

[img]http://dl.dropbox.com/u/14711917/PICT2479.JPG[/img]
Svona leit þetta síðan út fyrr í dag (14. maí)... hreinsaði mesta snjóinn af áðan en þarf að skella honum inn í bílskúr þegar mamma er farin í vinnu í fyrramálið. Gengur ekki að drossían á heimilinu sitji úti í snjónum.

Ég kem síðan ábyggilega til með að henda inn fleiri myndum og uppfæra þráðinn þegar eitthvað er búið að gera.

Til hamingju með þennan, frábær fyrsti bíll!

Til hamingju með bílinn

Það er annar hér á spjallinu sem byrjaði einnig ungur, fékk fyrsta CE bílinn áður en hann fékk bílprófið, og það vill svo skemmtilega til að hann er í sama lit og þessi

Velkominn á spjallið og til hamingju með flottan benz.

Geggjað að eignast svona vagn sem fyrsta bíl Til hamingju og velkominn á spjallið.

Til hamingju !

Þetta er geggjaður (fyrsti) bíll !

Fyrsti bíllinn minn var Lada 1600 ´78 árg

Takk kærlega fyrir, en uss... er ég að herma haha. En já ég er hæstánægður með að eiga Benz sem fyrsta bíl, án þess þó að verið sé að halla á Löduna
Annars er það að frétta að bíllinn er kominn inn í skúr, kíkti á kertin sem líta bara vel út en þarf að panta mér nýja loftsíu... hún er orðin ansi skítug. Síðan er bara að bíða eftir felgunum sem ættu að koma í vikunni og skella þeim svo undir.

Glæsilegur c-124, til hamingju með hann og velkominn á spjallið !

Takk takk, nú þarf ég líka að fara að drífa í því að skrá mig í klúbbinn!

W124 CE eru einstaklega vel heppnaðir bílar finnst mér,