Jæja, langt síðan síðast....

Ég tók eftir þessum 2 C126 og 1 W126 í döpru ástandi á leiðinni í bakaríið í dag... staðsettir í Garðabæ.

C126 W126

Fékk mér göngutúr þar sem ég þurfti að skreppa upp á Síðumúla í hádeginu og gekk þá framhjá W124 í snjónum, og viti menn, var það þá ekki bara gamli "Rjóminn" minn, W124 230E beinskiptur með ASD enn á götunni (með 2016 skoðun)

Gaman að sjá að þessi gripur er enn á götunni, einn sá allra skemmtilegasti bíll sem ég hef ekið í snjó... afturdrif, beinskipting og ASD - gríðarlega skemmtilegt saman

Flott ábreiða á honum og lítur út fyrir að hafa fengið hátíðarþvott.

Það væri ekki verra að vera á einum svona læstum í þessari færð. Þessi er klárlega kominn á fornbílaskráningu, því tæplega hefur hann fengið "16" skoðun í dag

JBV skrifaði:Það væri ekki verra að vera á einum svona læstum í þessari færð. Þessi er klárlega kominn á fornbílaskráningu, því tæplega hefur hann fengið "16" skoðun í dag

Verandi '89 módel þá passar þetta með fornbílaskráninguna.
Og já ASD er snilld í svona færð

Ekkert víst með að hann sé skráður sem fornbíll.

Samkvæmt us.is:
Fornbifreið verður að vera skráð í notkunarflokkinn fornbifreið í ökutækjaskrá til þess að öðlast 2ja ára skoðanatíðni.

Ég fékk 16 skoðun í gær á minn og hann er ekki fornbíll.
Viðurkenni að þetta er óvenjulegt því ég er í raun kominn með 23 mánaða skoðun. Ef númerið hjá mér endaði á núll í stað níu þá væri þetta tveggja ára skoðun.

Þetta er hægt vegna tveggja reglna:

6 mánaða reglan:
Færa má ökutæki til skoðunar 6 mánuðum áður en að skoðunarmánuður þess rennur upp.
Dæmi: Ökutæki með endastafinn 7 má færa til skoðunar í janúar
Dæmi: Ökutæki með endastafinn 8 má ekki færa til skoðunar í janúar (undantekning sjá 10 mánaða regluna)

10 mánaða reglan:
Færa má ökutæki til skoðunar 10 mánuðum áður en skoðunarmánuður þess rennur upp hafi ökutækið hlotið gilda skoðun fyrir 1. nóvember liðins árs.

Á sínum tíma fór ég með bílinn í skoðun í mars 2009 og svo aftur í janúar 2010. Síðan þá hef ég haldið mig við að láta skoða hann í janúar á hverju ári.

Þessi 23 mánaða skoðun gildir bara einu sinni, til að halda henni við þarf ég að láta skoða árlega eins og aðrir.